Reprezento de UEA dum forumo de Unesko en Tunizo

Nia tunizia komisionano Dorota Parzyszek kun Rene’e Triolle reprezentis UEA-n dum forumo de Unesko en Tunizo 26-27 septembro 2018.

Jen raporto de Rene’e Triolle pri la partopreno en Unesko-kunvenon en Tunizio:

—–

Tri forumoj sinsekvaj en luksa hotelo de Tuniso (Tunizio), pagitaj oficiale de Araba Instituto pri Homaj rajtoj, fakte de Kataro.

300 partoprenantoj, i.a la duono konsistis el la konataj NROj, kiuj regule kunvenas en Parizo, kaj alia duono estis araboj. Nur manpleno de afrikanoj, inter ili, unu studas en Parizo, alia migris al Kanado. Mi ne scias, ĉu “UNESKO” mem atentis pri ni, sed la NROj jes. Danke al la partopreno de Dorota, estis bela okazo montri, ke estas esperantistoj ĉie, ke UEA estas vere internacia (iuj miris, ke ni kapablas organizi jaran kongreson)kaj facile parolas la lingvon inter ni. La fakto, ke Dorota loĝas en Tunizio de 29 jaroj kaj ke ŝi estas afabla kaj malferma ankaŭ helpis.

Mi provis kontakti arabojn, disdonante la dokumenton de MONA, la prezenton de UEA en araba (pluraj preferis ĝin en la franca aŭ angla, ĉar edukitaj en okcidento) kaj anglan-francan tekston kaj broŝuron preparitan por socia forumo antaŭ kelkaj jaroj.

Malfacile interveni, ĉar entute ne estis diskutoj.

Forumo pri migrantoj: 26an-27an de septembro: mi partoprenis en la antaŭaj diskutoj en Parizo; estis kontaktita de la respondeculino (ĉar mi vojaĝis semajnon antaŭe tra la lando) por fari praktikajn proponojn, kiel gardi la junulojn en iliaj landoj por eviti, ke ili migru.

Forumo pri Paco: 28an; Filmo farita surbaze de la infanaj kontribuoj “Desegnu dronojn kaj robotojn pri Paco” la “organizantoj” petis, ke oni fortranĉu de la filmo la 2-minutan kontribuon de Israelo. La respondeculo miris, ke ne venis kontribuoj tra Esperanto (eble pro mia kulpo: mi sendis ĝeneralan informon sed certe estus pli trafe sendi al kelkaj instruistoj pri kiuj mi certas, ke ili kontribuos)

Forumo pri Homaj Rajtoj, la 29a sub prezido de sultano de Kataro.

Alparolis la ministro pri edukado de Tunizio (tiam ne funkciis la samtempa tradukado araba-franca-angla); pliboniĝis, kiam alparolis la ministro pri kulturo; Nada Al-Naŝif, vicdirektorino de UNESKO pri sociaj kaj homaj sciencoj; Anna-Maria MAJLOF, fakulino pri programo, sekcio inkludo kaj rajtoj, sektoro de sociaj kaj homaj sciencoj ĉe UNESKO, diversaj prezidantoj de Homaj Rajtoj en Magrebo, Teresa Albero, estrino de Buroo de Alta komisarejo de UN en Tunizio; Mohamed Al Nsour, regiona prezidento de la regiono MONA de la Alta Komisarejo de UN pri homaj rajtoj, diversaj ĵurnalistoj, ĉiuj kun belaj vortoj, kiujn oni aplaùdas. Malfacilis rekte kontakti ilin, ĉar ili sidis sur la podio, alparolis, kaj fuĝis.

Survoje al vizito de muzeo, mi sidis en la aŭtobuso apud Tomislav Bracanovic, eksperto de la Komitato Etiko kaj Teknologio COMEST ĉe UNESKO: li faris (en la angla) tiun demandon “Krom vi, kiu parolas Esperanton en la aùtobuso?” al kio mi respondis “Kiu parolas islande, latve, aù ĉine?”, evidente neniu kaj ŝajne li konsciis pri la diskriminacio kontraù malgrandaj lingvoj kelkaj lasis sian adreson. Do ni provos plu kontakti ilin, minimume per sendo de la informilo “UN kaj ni”.

Mi verkos pli kompletajn raportojn kaj artikolon por “Esperanto” kaj “UN kaj ni”.

Tunizio

Tiu ĉi enskribo estis afiŝita en KOMISIONO, تونس-Tunizio. Legosigni la fiksligilon.

Respondi

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Ŝanĝi )

Google photo

You are commenting using your Google account. Log Out /  Ŝanĝi )

Twitter picture

You are commenting using your Twitter account. Log Out /  Ŝanĝi )

Facebook photo

You are commenting using your Facebook account. Log Out /  Ŝanĝi )

Connecting to %s